Ég komst yfir þessa uppskrift fyrir nokkrum árum og frá því að ég bakaði þetta brauð fyrst hefur það verið í miklu uppáhaldi enda bráðhollt og fáránlega gott. Þetta brauð er skothelt, passar einhvern veginn við öll tilefni. Stundum kemur það fyrir að ég baka nokkur brauð í einu, sker þau niður, frysti og tek svo 2-3 sneiðar með í skólann/vinnu.

Brauðið er sykur-, ger- og hveitilaust og mæli ég með því sem millimál á matarplaninu fyrir mína kúnna. Það er algengt að ef fólk heyrir að eitthvað matarkyns sé sykurlaust þá ákveður það fyrirfram að það sé ekki gott. Í þessu tilfelli þá þarf bara engan sykur, bananarnir gefa svo sætt og gott bragð og stevían gerir gæfumuninn. Ég hef allavega ekki enn hitt manneskju sem að finnst þetta brauð ekki gott.

Mæli með að prófa að baka þetta góða bananabrauð!

Bananabrauð

6 dl haframjöl
 (ég nota tröllahafra)
2 dl eggjahvítur
 (kaupi eggjahvítur í brúsa)
2 heil egg
1 dl möndlumjólk (einnig hægt að nota soja eða venjulega mjólk)
1 matskeið kanill
1-2 tappar vanilludropar
1-1 1/2 matskeið Stevía
1 teskeið lyftiduft
3 meðalstórir bananar

Einnig er gaman að breyta til og láta t.d. gróft kókosmjöl, sólkjarnafræ eða graskersfræ í uppskriftina.

Ofninn stilltur á 180°C, helst með blæstri. Öllum hráefnunum hrært vel saman, banana stappaðir niður og bætt við i lokin. Spreyja Pam-sprey í bökunarform og bakað í miðjum ofni í kringum 40-50 mínútur.

Stevia fæst í Hagkaup, Bónus, Krónunni og fleiri stöðum. Prófa sig áfram með hana, mjög bragðmikil og við þurfum ekki mikið.

Þá er það bara að henda í eitt brauð, smyrja á það smá smjöri og osti meðan það er enþá heitt og njóta án samviskubits.

❤ Olga Helena

Ef þið viljið fylgjast með mér:

Snapchat: olgahelenao
Instagram hér
Facebook hér

Uppskriftin birtist fyrst á Lady.is