Jón Þór Hauksson, þjálfari ÍA, segir að liðið hafi átt skilið öll þrjú stigin í markalausu jafntefli gegn Víkingi Reykjavík í dag.
,,Mér fannst við eiga að klára þennan leik. Við vorum heilt yfir miklu betri og fáum urmul færa til að skora á þá,“ sagði Jón Þór.
,,Mér fannst við sýna flottan sóknarleik í fyrri hálfleik og menn voru grimmir í teignum. Við sköpuðum mikinn usla í boxinu hjá Víking.“
,,Svo dró aðeins af okkur í restina og Víkingar komust ofar á völlinn en við eigum að skora fullt af mörkum í þessum leik.“
