Smári McCarthy þingmaður og oddviti Pírata í Suðurkjördæmi segir ummæli Agnesar M. Sigurðardóttur biskups Íslands vera mjög óviðeigandi íblöndun í pólitískt mál rétt fyrir kosningar. Vísar Smári til orða Agnesar í gær þar sem hún sagði það ekki siðferðislega réttlætanlegt að stela gögnum til þess að afhjúpa mál og leiða sannleikann í ljós.

Sjá einnig: Biskup Íslands: Ekki réttlætanlegt að stela gögnum til að afhjúpa mál

Smári segir í grein sem hann ritar í Morgunblaðið í dag að vandinn við ummæli biskups sé margþættur:

Und­ar­leg­ast­ur þykir mér þó sá tónn að það sé óeðli­legt að veit­ast að vald­inu, held­ur eigi bara að trúa og treysta og vera helst ekk­ert að skipta sér af. Þessi skila­boð eru svo sett í sam­hengi við siðbót,

segir Smári. Segir hann að leyndarhyggja kaþólsku kirkjunnar hafi verið hvati til siðbótar Marteins Lúthers á sínum tíma, upplýsa almenning um hvað stendur í Biblíunni, siðbót sem hafi verið drifin áfram af löngun til að koma í veg fyrir valdamisnotkun:

Líkt er farið með stjórn­mál­in í dag. Bjarni Bene­dikts­son hef­ur lagt fram túlk­un á at­b­urðarás­inni í kring­um eign­ar­hald sitt á fyr­ir­tæki í skatta­skjól­inu Seychell­es-eyj­um og heppi­legri tíma­setn­ingu á sölu sinni á eign­um í Sjóði 9. Sú túlk­un hef­ur ít­rekað verið dreg­in í efa. Nú koma fram upp­lýs­ing­ar sem sýna að túlk­un­in er hel­ber þvætt­ing­ur, og sýna að blekk­ing­um var beitt í skjóli valds.

Segir Smári að fjölmiðlar í dag séu í hlutverki Marteins Lúters, að mótmæla valdamisnotkun, upplýsa um sannleikann og skapa grundvöll fyrir hreinskilni:

Inn­an­tóm­ur siðferðisboðskap­ur er úr­elt­ur. Sann­leik­ur­inn er ekki einka­eign kirkj­unn­ar, né held­ur leik­tæki for­sæt­is­ráðherra. Sann­leik­ur­inn er sjálf­stæður að verðleik­um og skal verja með öll­um ráðum, eða öðrum kosti missa hann að ei­lífu.