Ruben Loftus-Cheek, miðjumaður Crystal Palace gæti verið frá út tímabilið vegna meiðsla á ökkla.

Hann er í láni hjá félaginu frá Chelsea og hefur verið einn besti maður liðsins á þessari leiktíð.

Miðjumaðurinn hefur ekkert spilað síðan 28. desember en í fyrstu var talið að hann yrði bara frá í nokkrar vikur.

Roy Hodgson, stjóri Palace staðfesti það hins vegar á blaðamannafundi í morgun að meiðslin væru mun alvarlegri en í fyrstu var talið.

Hann gæti því verið frá út tímabilið eins og áður sagði en Hodgson vonast til þess að geta notað hann í síðustu leikjum leiktíðarinnar.