Chelsea hefur spurst fyrir um Peter Crouch, framherja Stoke en það er Telegraph sem greinir frá þessu í kvöld.

Telegraph er einn áreiðanlegasti miðill Bretlandseyja, á eftir Sky Sports og BBC en þeir vilja meina að Chelsea hafi sent inn formlega fyrirspurn til Stoke vegna framherjans.

Andy Carroll hefur verið sterklega orðaður við Chelsea að undanförnu en hann er meiddur á ökkla og verður frá næstu sex vikurnar.

Chelsea hefur því snúið sér að Peter Crouch en félagið reyndi að fá Fernando Llorente frá Swansea í sumar.

Conte vill fá stóran mann til þess að auka möguleika liðsins, fremst á vellinum en Alvaro Morata er framherji númer eitt hjá félaginu.