Melissa Reddy sem áður var starfsmaður Liverpool og starfar nú hjá Goal.com segir að Barcelona sé að leggja lokahönd á tilboð sitt í Philippe Coutinho.

Reddy segir að tilboðið verði í kringum 150 milljónir evra og verður Coutinho dýrasti leikmaður í sögu Börsunga.

Ef kaupin myndu ganga í gegn verðu Coutinho þriðji dýrasti leikmaður sögunnar á eftir Neymar og Kylian Mbappe sem PSG keypti í sumar.

40 milljónir evra af kaupverði Coutinho yrði í formi bónusa en Reddy segir líklegt að allar þær greiðslur myndu koma til Liverpool á endanum.

Rætt hefur verið um að klára málið en Coutinho færi ekki til Katalóníu fyrr en í sumar, Reddy segir að Barcelona og Coutinho vilji klára allt í janúar.

Josep Maria Bartomeu forseti Barcelona og Kia Joorabchian umboðsmaður Coutinho vinna nú að málinu.