Félagaskiptaglugginn opnar aftur þann 9. júní næstkomandi en þetta var staðfest í dag.
Janúarglugginn lokaði á dögunum og settu liðin í ensku úrvalsdeildinni met í eyðslu í glugganum.
Það er nóg að gera hjá FIFA enda HM ár en glugginn opnaði einnig þann 9. júní á síðasta ári.
HM hefst þann 14. júní og því verður að teljast ólíklegt að mörg lið nái að klára sín kaup fyrir mótið í Rússlandi.
Glugginn mun svo loka þann 9. ágúst næstkomandi hjá liðum í ensku úrvalsdeildinni en ekki 31. ágúst eins og venjan hefur verið.
Glugginn lokar því daginn fyrir opnunarleik tímabilsins en þetta hefur aldrei verið reynt áður.
