Það gæti farið svo að Liverpool verði heldur þunnskipað á miðsvæðinu í leiknum gegn Manchester City í Meistaradeildinni á morgun.
Times segir frá því að Emre Can eigi enn eftir að æfa með liðinu fyrir leikinn.
Hann gæti mögulega æft í dag en óvíst er hvort hann geti spilað í fyrri leik liðanna í átta liða úrslitum Meistaradeildarinnar.
Adam Lallana meiddist gegn Crystal Palace um helgina og verður ekki með.
Can hefur byrjað báða leikina gegn City í vetur en Jordan Henderson, James Milner, Alex-Oxlade Chamberlain og Georgino Wijnaldum eru heilir heilsu.
