Ólöf Nor­dal, inn­an­rík­is­ráðherra og vara­formaður Sjálf­stæðis­flokks­ins, hyggst gefa kost á sér í próf­kjöri Sjálf­stæðis­flokks­ins í Reykja­vík vegna alþing­is­kosn­inga í haust. Hún gefur ekki upp hvort hún muni sækjast eftir 1.sæti á lista.

Þetta kemur fram á vef mbl.is en Ólöf segist hafa viljað klára krabbameinsmeðferð sína áður en hún tilkynnti um þessa ákvörðunina. „Ég held ég láti fyrst kjör­dæm­is­ráð í Reykja­vík taka af­stöðu til þess hvaða leið verður far­in við val á lista. Svo þegar nær dreg­ur fara lín­urn­ar að skýr­ast. En ég held ég segi ekk­ert meira á þessu stigi.“

Hún segir mikilvægt að viðhalda efna­hags­leg­um ár­angri sem náðst hef­ur og halda áfram að byggja þjóðarbúið til framtíðar. Í framhaldinu af því megi huga að því hvernig bæti eiga það sem þarf að bæta, svosem húsnæðismál ungs fólks og uppbyggingu heilbrigðiskerfisins. „Maður sér alltaf bet­ur og bet­ur hvað það skipt­ir miklu máli að vera með öfl­ugt og gott heil­brigðis­kerfi sem við get­um hallað okk­ur upp að þegar eitt­hvað bját­ar á,“ seg­ir hún.

Líkt og DV greindi frá er sjötti og þar með seinasta lyfjaskammturinn í krabbameinsmeðferð Ólafar nú yfirstaðinn og deildi hún þeim gleðitíðindum á Facebook á dögunum. Í samtali við mbl.is segist hún koma tvíefld til baka úr meðferðinni.

„Nú er bara sum­ar og sól framund­an þegar þingið lýk­ur störf­um og öll þjóðin fer að fylgj­ast með fót­bolt­an­um og svona. Þá er ágætt fyr­ir okk­ur sem erum að fara í kosn­ing­ar í haust að fara að hugsa um framtíðina og hvaða áherslu­mál okk­ur þykir skipta máli.“