Hæstiréttur Íslands dæmdi í dag Valitor hf. Til að greiða 500 milljónir króna í sekt til ríkisins. Fyrirtækið var talið hafa misnotað markaðsráðandi stöðu sína á markaði færsluhirðingar. Enn fremur var Valitor talið hafa brotið gegn skilyrðum Samkeppniseftirlitsins.
Fyrirtækið hafði ákært og áfrýjað úrskurði áfrýjunarnefndar samkeppnismála þess efnis að leggja sekt á fyrirtækið. Upphaflega var sektin hálfur milljarður en Héraðsdómur Reykjavíkur hafði lækkað sektina í 400 milljónir króna. Rökstuðningur Hæstarétts fyrir hækkum sektarinnar var að Hæstiréttur taldi að brot Valitor hefðu snert allan almenning í landinu og að sektin sem Valitor hafði fengið í fyrra máli sínu hafi knúið fyrirtækið til að láta af samkeppnisbrotum.
Háttsemi Valitors var falin í því að fyrirtækið verðlagði færsluhirðingu debetkorta með breytilegum kostnaði. Sektin er sú hæsta sem lögð hefur verið á fyrirtæki hérlendis vegna markaðsráðandi misnotkunar. Valitor ber samkvæmt dómnum einnig að greiða Samkeppniseftirlitinu fjórar milljónir í málskostnað.
