Lögreglan í Indlandi leitar nú föður sem hjó hendurnar af sautján ára gömlu pilti. Forsagan málsins er sú að pilturinn játaði fyrir dómi að hafa nauðgað sjö mánaða gamalli dóttur mannsins.

Að því er kemur fram í breska blaðinu The Mirror þá gaf faðirinn til kynna í réttarhöldunum að hann væri tilbúinn til þess að fyrirgefa piltinum sem hugðist greiða honum miskabætur.

Piltinum var því næst sleppt lausum og bauðst faðirinn til þess að gefa honum far í heimabæinn þar sem þeir báðir bjuggu.

Á miðri leið stöðvar faðirinn þó vélhjólið og yfirbugar piltinn. Hann batt hann við tré og hjó af honum hendurnar. Faðirinn hélt svo ferð sinni áfram og skyldi piltinn eftir alvarlega slasaðan.

Íbúar í nágrenninu urðu varir við öskrin í piltinum og komu honum til aðstoðar. Þeir hringdu á sjúkrabíl og var hann fluttur með hraði á spítala.

Hann er þungt haldin að því er fram kemur í umfjöllun The Mirror. Eins og fyrr segir þá hefur faðirinn ekki verið handtekinn.