Mohamed Salah segir að hann sé sáttur við ákvörðun sína um að yfirgefa Liverpool í sumar og telur sig enn hafa mikið fram að færa.

Egyptski framherjinn lætur af störfum hjá Liverpool eftir níu glæsileg ár hjá félaginu þar sem hann vann alla helstu titla og sló fjölmörg met.

„Mér líður vel líkamlega. Ég varð ekki gamall á einni nóttu,“ sagði Salah í viðtali við Steven Gerrard. „Ég á enn mikið inni og mun sjá hvað er best fyrir mig næst.“

Salah sagði að hann væri í friði með ákvörðun sína og teldi tímasetninguna rétta.

„Ég held að þetta sé rétt að gera núna og ég er sáttur við það,“ sagði hann.

Framherjinn upplýsti jafnframt að Gerrard hefði heimsótt sig fyrr á árinu og ráðlagt honum að yfirgefa félagið á eigin forsendum.

„Þú sagðir mér að fara á mínum eigin forsendum og ég man enn eftir þeim orðum. Ég er ánægður með að fara út um stóru dyrnar,“ sagði Salah.

Hann mun yfirgefa Liverpool á frjálsri sölu þegar samningur hans rennur út í sumar.