Ísland er komið í undanúrslit á EM í handbolta eftir stórsigur á Slóveníu, 39:31.
Eftir fremur jafnan fyrri hálfleik þar sem Ísland hafði þó alltaf frumkvæðið sigldu strákarnir okkar fram úr Slóvenum í síðari hálfleik og munurinn jókst jafnt og þétt.
Elli Snær Viðarsson var markhæstur með 8 mörk en þeir Óðinn Þór Ríkharðsson og Ómar Ingi Magnússon skoraði 7 mörk hvor.
Leikurinn í undanúrslitum verður í Herning í Danmörku á föstudag, en það kemur í ljós í kvöld hver verður andstæðingur Íslands þar. Á sunnudag verður síðan leikið um verðlaunasæti á mótinu.
