Thomas Frank er áfram undir mikilli pressu hjá Tottenham, en mun Daninn sitja áfram í stjórastólnum í bili.

Þetta kemur fram í helstu miðlum á Englandi í morgunsárið, en þar segir að Frank verði áfram að minnsta kosti fram yfir Meistaradeildarleikinn gegn Borussia Dortmund á morgun.

Óánægja stuðningsmanna hefur aukist eftir dapra frammistöðu að undanförnu og 2-1 tap gegn West Ham um helgina jók enn á spennuna.

Framtíð Frank var rædd á stjórarfundi í gær en niðurstaðan var sú að hann yrði áfram við stjórnvölinn í bili.

Tottenham er í 14. sæti úrvalsdeildarinnar, hefur tapað þremur leikjum í röð og aðeins unnið einn af síðustu átta í öllum keppnum.

Frank tók við liðinu í sumar eftir að hafa gert flotta hluti með Brentford um árabil.