Tveir eru látnir og að minnsta kosti níu særðir eftir að skotárás var gerð á lóð Brown-háskóla í Rhode Islands í morgun. Nokkrir af hinum særðu eru í alvarlegu ástandi. Öll fórnarlömb árásarinnar eru nemendur í skólanum en þennan dag gátu nemendur fengið að skoða próf úr áföngum í skólanum og farið yfir einkunnir sínar.

Mikil hræðsla greip um sig á háskólalóðinni í byggingum skólans þar sem fjölmargir nemendur lokuðu sig inni í skólastofum og bjuggu sig undir það versta. Þá var komnar viðvaranir inn á samfélagsmiðla aðeins nokkrum andartökum eftir að fyrsta skotinu var hleypt af.

Talið er að aðeins einn árásarmaður hafi verið að verki en lögregla hefur birt myndband úr öryggismyndavél þar sem hinn grunaði, sem talinn er vera á þrítugsaldri, er sagður sjást. Hann náði að flýja af vettvangi en umfangsmikil leit lögreglu stendur yfir en um 400 lögreglumenn eru á vettvangi.

Um er að ræða 70 skotárásina í bandarískum skóla á þessu ári en árásin er sú fyrsta í skóla á Rhode Islands síðan 2008.