Nærri 103 þúsund áhorf eru á myndband sem Þórir Sæmundsson tók og deildi á TikTok. 11 þúsund hafa látið sér líka við það og tæplega 200 skrifað athugasemdir.

„Myndband sem endurspeglar þjóðarsálina,“ segir Þórir þar sem hann keyrir fram hjá nokkrum byggingum í smíðum og öðrum nýbyggðum, sem allar eru kassalaga.Segir hann okkur þurfa að gera betur og byggja fallegra umhverfi.

Í myndbandinu má sjá blokk sem rís við Frakkastíg 1 sem unnin er eftir aðferðum hringrásarhagkerfisins og 203 herbergja hótelbyggingu Radisson sem rís við horn Skúlagötu og Vitastíg, íbúðablokkir og verslunarrými við Kirkjusand (þar sem Íslandsbanki og höfuðstöðvar Strætisvagna Reykjavíkur voru áður), nýja göngubrú yfir Sæbraut við nýja Vogahverfið.

„Við þurfum að gera betur sem samfélag og byggja fallegra og manneskjulegra umhverfi sem skapar ekki bara fermetra, heldur að byggja umhverfi sem ýtir undir vellíðan manneskjunnar og sköpun menningarverðmæta

Hættum að byggja kassa!“

@thoririniceland Partur 2. Er mannsálin dauð? Erum við öll dauð að innan? #íslenskt ♬ Romeo and Juliet, Op. 64, Act 1: Dance of the Knights – André Previn