Faðir unglingsstúlku stendur nú frammi fyrir ákæru eftir að lögreglan segir að hún hafi ekið bíl hans inn í byggingu á meðan hann sat í farþegasætinu.

Faðirinn Joey Kristopher Jansen var handtekinn grunaður um almannahættu og skemmdarverk eftir að 13 ára dóttir hans ók bíl hans inn í lögmannsstofu í Mesa í Arisona.

Enginn slasaðist við atvikið.

„Þetta leit út eins og sprenging. Bíllinn, það var fólksbíll,  keyrði bara beint í gegn og klessti á,“ sagði Alison Briggs, meðeigandi í My Arizona Lawyers, fyrirtækinu sem varð fyrir árekstrinum. „Þið getið séð dekkjaförin hérna. Bíllinn keyrði hér í gegn og svo beint í gegnum þessi spjöld, sem er hluti af anddyri okkar og síðan aðalfundarsalinn okkar.“

„Ég starfa mikið við fjölskyldurétt. Fyrsta hugsun mín var: Ég vona að mamman sé með góðan lögfræðing því þetta foreldri er ótrúlega ábyrgðarlaust og það gerði mig ótrúlega leiða fyrir hönd barnsins,“ bætti Briggs við. „Guði sé lof að móttökuritarinn okkar var ekki þarna inni. Guði sé lof að það var enginn á fundi með viðskiptavinum.“