Mannslát í Kópavogi er nú til rannsóknar hjá lögreglunni á höfuðborgarsvæðinu. Andlátið átti sér stað í þriggja íbúða fjölbýlishúsi á Kársnesi.
Lögreglumenn, meðal annars starfsmenn tæknideildar lögreglunnar, voru að störfum á vettvangi stóran hluta sunnudagsins. Var látinn maður fluttur af vettvangi í líkpoka í eftirmiðdaginn.
Lögregan á höfuðborgarsvæðinu varðist allra frétta er DV leitaði upplýsinga um málið í kvöld. Frekari upplýsingar munu liggja fyrir um hádegisbil á morgun.
Ekki liggur fyrir af hvaða kyni eða á hvaða aldri hinn látni er. Ennfremur liggur ekki fyrir hvort andlátið bar að með saknæmum hætti eða ekki.
