Rússar virðist ábyrgir fyrir nýlegu innbroti í bandarískar tölvur sem innihalda viðkvæm gögn bandarísks alríkisdómstóls. Metro segir frá en frumheimildin er í New York Times.

Hin mjög svo viðkvæmu dómskjöl sem hér liggja undir gætu innihaldið upplýsingar um fólk sem hefur verið ákært fyrir brot gegn þjóðaröryggi, eftir því sem nokkrir heimildarmenn hafa tjáð The New York Times.

Kerfisstjórar dómstólsins sem um ræðir skýrðu dómsmálaráðuneytinu nýlega frá því að starfsfólk réttarins hefði orðið vart við að háþróaðir netþrjótar hafi rofið innsigli á gögnum, að því er kemur fram í minnisblaði sem New York Times komst yfir.

„Þetta er áríðandi vandamál sem krefst tafarlausra aðgerða,“ segir í minnisblaðinu.

Þessar fréttir koma fram núna um það leyti þegar fyrir dyrum stendur leiðtogafundur Donald Trump Bandaríkjaforseta og Vladimir Putin Rússlandsforseta í Alaska.

Fyrst var brotist inn í tölvukerfi dómstólsins árið 2021.