Á afgreiðslufundi skipulagsfulltrúa Reykjavíkurborgar þann 3. júlí var tekin fyrir fyrirspurn um að opnaður yrði gististaður í Skipholti með svokölluðumm gistihylkjum eða capsules.
Fyrirspurnin snýr að rekstri gististaðar með capsules einingum á jarðhæð Skipholts 50B. Yrði um að ræða gistingu fyrir allt að 30 manns.
Fyrirspurnin er dags. 7. apríl 2025, var vísað til umsagnar verkefnastjóra og var umsögn skipulagsfulltrúa, dags. 3. júlí 2025, samþykkt.
Niðurstaða skipulagsfulltrúa er að ekki eru gerðar skipulagslegar athugasemdir við að umsækjandi sæki um byggingarleyfi fyrir breyttri notkun húsnæðis. Heimilt er í skipulagi að vera með gististarfsemi á svæðinu. Samþykki allra meðeigenda í húsinu þarf fyrir framkvæmdinni og Sækja þarf um byggingarleyfi fyrir breyttri notkun húsnæðis til þess að tryggja að húsnæðið uppfylli öll ákvæði byggingarreglugerðar og laga um veitingastaði, gististaði og skemmtanahald.
Gisting af þessu tagi er ekki ný á nálinni í borginni þar sem þegar er rekinn slíkur staður, City Hub á Hverfisgötu 46. Þar eru gistihylkin 62 talsins.
