Chelsea mun borga 55 milljónir punda fyrir vængmanninn Jamie Gittens sem spilar með Dortmund.
Þetta kemur frá blaðamanninum virta Fabrizio Romano en Chelsea hefur reynt við leikmanninn í dágóðan tíma.
Gittens mun skrifa undir langan samning við Chelsea sem gildir til ársins 2032.
Englendingurinn er aðeins 20 ára gamall en hann hefur samt sem áður spilað 76 deildarleiki fyrir Dortmund og skorað í þeim 12 mörk.
Leikmaðurinn var hjá Chelsea sem táningur en var einnig í unglingaliði Manchester City um tíma.
