Jude Bellingham mun gangast undir aðgerð á öxl um leið og þátttöku Real Madrid á HM félagsliða lýkur.
Miðjumaðurinn staðfesti þetta eftir sigur á Pachuca í gær. Hann hefur þurft að spila með umbúðir um öxlina vegna meiðslanna og er orðinn þreyttur á því. Hefur hann því ákveðið að fara í aðgerð til að ná sér að fullu.
Nú segja spænskir miðlar að Bellingham gæti misst af restinni af árinu er hann jafnar sig af aðgerðinni.
Það sé þó ólíklegra að það taki svo langan tíma, en ljóst er að enski landsliðsmaðurinn verður allavega frá í 3-4 mánuði.
