Kim Myong Sil og Hong Kil Ho, sem eru æðstu yfirmenn Chongjin-skipasmíðastöðvarinnar sáust á ljósmynd með einræðisherra Norður-Kóreu, Kim Jong Un, fyrir tveimur mánuðum.
Á þeim tíma var lokaundirbúningur í gangi vegna sjósetningar stærsta og dýrasta herskips Norður-Kóreumanna.
Það var svo þann 21. maí síðastliðinn að til stóð að sjósetja skipið en óhætt er að segja að það hafi farið úrskeiðis. Skipið fór á hliðina og laskaðist töluvert og var þetta talsvert áfall fyrir einræðisherrann sem er sagður hafa brugðist reiður við.
Þegar þessi sama mynd er skoðuð í dag eru Kim og Hong hvergi sjáanlegir og velta ýmsir vöngum yfir því hvað varð um þá. Hefur þeirri kenningu verið varpað fram að þeir hafi hugsanlega verið teknir af lífi fyrir klúðrið þann 21. maí síðastliðinn.
Þetta er ekki í fyrsta sinn sem embættismenn eru afmáðir af spjöldum sögunnar í Norður-Kóreu.
Hér að neðan má sjá fleiri dæmi um þetta:
