Flugvél frá indverska flugfélaginu Air India hlekktist á skömmu eftir flugtak og brotlenti í íbúðahverfi í borginni Ahmedabad í vesturhluta Indlands. Flugvélinni var heitið til Gatwick-flugvallar í London en alls voru 242 farþegar um borð. Samkvæmt BBC voru 169 indverskir ríkisborgar um borð, 53 Bretar, einn Kanadamaður og sjö portúgalskir ríkisborgarar.
Vélin, sem var af gerðinni Boeing 787-8 Dreamliner, er sögð hafa gefið frá sér stutt neyðarkall skömmu eftir flugtak, þegar vélin hafði náð í 625 feta vél. en síðan heyrðist ekki meira frá vélinni. Um er að ræða fyrsta flugslysið hjá vél af þessari tegund.
Ekki liggur fyrir um afdrif farþega og áhafna en miðað við myndskeið af samfélagsmiðlum verður að teljast ólíklegt að einhverjir hafi lifað slysið af. Þá brotlenti vélin á gistiheimili í borginni og óvíst er hvort einhverjir hafi slasast eða farist sem þar dvöldu.
