Al Nassr í Sádi Arabíu hefur víst tjáð vængmanninum Sadio Mane það að hann megi finna sér annað félag í sumar.
Mirror greinir frá en Al Nassr hefur áhuga á að semja við hinn tvítuga Alejandro Garnacho sem spilar með Manchester United.
Mane er 33 ára gamall og skoraði 18 mörk í 47 leikjum á tímabilin fyrir Al Nassr en hann kom frá Bayern Munchen árið 2023.
Vængmaðurinn er þekktastur fyrir tíma sinn á Englandi en hann var frábær fyrir Liverpool í sex tímabil í efstu deild.
Al Nassr er að búast við því að Cristiano Ronaldo verði áfram á næsta tímabili og er því í staðinn að leitast eftir því að losna við Mane.
