Mike Maignan hefur tjáð AC Milan það að hann vilji yfirgefa félagið í sumar og skrifa undir samning við Chelsea.
Þetta segir blaðamaðurinn Ben Jacobs en Chelsea gæti reynt að ná þessum kaupum í gegn áður en HM félagsliða hefst í næstu viku.
Maignan er mjög öflugur markvörður en Chelsea þyrfti að borga í kringum 25 milljónir punda fyrir franska landsliðsmanninn.
Robert Sanchez var aðalmarkvörður Chelsea í vetur en hann gerði sig sekan um þónokkur mistök og verður líklega bekkjaður eða seldur fyrir næsta tímabil.
Fyrsti leikur Chelsea á HM félagsliða er þann 16. júní gegn Los Angeles FC og verður fróðlegt að sjá hvort Maignan verði orðinn leikmaður liðsins fyrir þann tíma.
