Jordan Henderson hefur fengið þau skilaboð að hann megi yfirgefa lið Ajax í sumar og gæti verið á leið aftur í ensku úrvalsdeildina.

John Heitinga er tekinn við Ajax og vill ekki nota Henderson næsta vetur en hann er að fá um 100 þúsund pund á viku hjá félaginu.

Henderson er 35 ára gamall og er fyrrum leikmaður Liverpool en hann gæti snúið aftur til uppeldisfélags síns, Sunderland, sem er komið í efstu deild.

Sunderland ku hafa mikinn áhuga á að semja við Henderson samkvæmt Mirror en hann gæti leyst Jobe Bellingham af hólmi sem er að kveðja.

Ajax vill lækka launakostnaðinn fyrir sumargluggann og bendir flest til þess að enski landsliðsmaðurinn snúi aftur heim.