Tvöfalt fleiri stuðningsmenn kvennalandsliðs Englands voru mættir á RCDE völlinn fyrir helgi en á leik karlalandsliðsins gegn Andorra í gær.

RCDE völlurinn er heimavöllur Espanyol á Spáni og tekur um 40 þúsund manns en hann er tíundi stærsti völlur Spánverja.

Karlalið Englands vann 0-1 sigur á Andorra í undankeppni HM í gær þar sem um sex þúsund manns voru mættir á völlinn þar sem Harry Kane gerði eina markið.

Um 14 þúsund stuðningsmenn voru þó mættir á sama völl á þriðjudag er kvennalið Englands spilaði við Spán í Þjóðadeildinni.

Það er mikil spenna fyrir kvennaboltanum þessa dagana en EM í Sviss fer fram í sumar þar sem Ísland mun taka þátt.