Liverpool er í vandræðum með að ná samkomulagi við Bournemouth um kaup á bakverðinum öfluga Milos Kerkez.

Þetta kemur fram í i News en Kerkez er ofarlega á óskalista Liverpool fyrir næsta vetur – hann er á mála hjá Bournemouth.

Bournemouth stendur fast á sínu og vill fá 45 milljónir punda fyrir Kerkez í sumar en Liverpool er enn ekki búið að bjóða þá upphæð.

Kerkez er 21 árs gamall og átti mjög gott tímabil en hann hefur verið á lista hjá Liverpool síðan í janúar.

Búist er við því að Liverpool muni gefa sig á endanum og borga upphæðina en það kemur í ljós á næstu dögum eða vikum.