Georgina Rodriguez, kærasta Cristiano Ronaldo, hefur fengið slæmar fréttir en hún fær ekki fjórðu seríu af raunveruleikaþáttunum ‘I am Georgina’ á Netflix.
Þáttaserían vakti ansi mikla athygli á sínum tíma og var vinsæl til að byrja með en áhorfið hefur minnkað töluvert eftir fyrstu seríuna.
Netflix hefur tjáð Georgina það að fjórða serían af þáttaröðinni verði ekki framleidd og þarf hún nú að finna sér nýtt verkefni.
Georgina þénaði svo sannarlega vel á þremur seríum en hún er talin hafa grætt 22 milljónir punda eða 30 milljónir dollara.
Fyrsta serían af þáttunum komst á topp tíu lista yfir vinsælustu sjónvarpsþætti Netflix í 46 löndum en þar fengu áhorfendur að kynnast lífi Georgina sem er í dag búsett í Sádi Arabíu ásamt Ronaldo.
Ronaldo er einn frægasti maður heims og einn besti leikmaður sögunnar og er í raun áhugavert að fylgjast með því hvernig líf Georgina passar inn í hans frægð og frama.
