Thomas Meunier er tilbúinn í að hjóla til Manchester í sumar ef hann fær símtal frá Ruben Amorim, stjóra Manchester United.
Þetta grínast belgíski landsliðsmaðurinn með en hann er harður stuðningsmaður enska liðsins og hefur alltaf dreymt um að spila á Englandi.
Meunier er 33 ára gamall í dag og spilar með Lille í Frakklandi og eru ltilar líkur á að símtalið berist en hann getur þó gert sér vonir.
,,Ef þeir spyrja mig um að koma þá skal ég hjóla þangað,“ sagði Meunier brosandi í samtali við Gazet van Antwerpen.
,,Ef ég fer þangað og spila illa.. Ég vil engar slæmar tengingar við Manchester United því ég elska þetta félag svo mikið.“
,,Ég sá þá spila fyrir ekki svo löngu gegn Athletic Bilbao og söng ásamt stuðningsmönnum í stúkunni. Ég reyni að mæta á allavega einn leik á hverju tímabili.“
