Luis Diaz hefur staðfest það að hann hafi rætt við önnur félög undanfarið en hann er talinn vera á óskalista Barcelona á Spáni.
Diaz er leikmaður Liverpool en Barcelona ku hafa mikinn áhuga á að næla í Kólumbíumanninn fyrir næsta tímabil.
Þrátt fyrir viðræður er Diaz ánægður hjá Liverpool og er tilbúinn að spila áfram með félaginu ef vilji félagsins er sá sami.
,,Ég er mjög ánægður hjá Liverpool og þeir hafa komið vel fram við mig alveg frá fyrsta degi,“ sagði Diaz.
,,Við höfum verið í viðræðum við önnur félög í glugganum sem er eðlilegt. Ef Liverpool ákveður að framlengja samning minn eða þá að þeir vilji að ég klári tvö árin sem ég á eftir þá geri ég það glaður. Þetta er undir þeim komið.“
