Þessu fékk TikTok-notandi að kynnast í miðborg Lundúna fyrir skemmstu þegar hann endaði í handjárnum eftir hrekk sem kallaður hefur verið Apple Pay-hrekkurinn.
Þeir sem eru með Apple-síma eða Apple-snjallúr geta borgað fyrir vörur eða þjónustu með snjalltækjunum. Þegar greiðsla fer fram heyrist hljóð sem eigendur þessara tækja ættu að kannast við.
Þetta gerði fyrrnefndur TikTok-notandi þegar hann gekk upp að vegfaranda með símann sinn, lagði hann að úri sem viðkomandi var með og í kjölfarið heyrðist „ding“ – eins og greiðsla hefði farið fram.
Svo var þó ekki en vegfarandinn taldi að um einhvers konar svik hefði verið að ræða. Reyndi hann að stöðva för hrekkjalómsins og í kjölfarið kom aðvífandi óeinkennisklæddur lögregluþjónn sem setti ódáminn í handjárn.
Ekki liggur fyrir hvort einhverjir eftirmálar hafi orðið af þessu en myndbandið, sem birtist á vef Daily Mail, má sjá hér að neðan:
