Aðalmeðferð í máli Yms Arts Runólfssonar hefst í dag kl. 9.15 í Héraðsdómi Reykjavíkur og stendur til kl. 16. Aðalmeðferð fer fram fyrir luktum dyrum. Dóm skipa tveir dómarar og einn geðlæknir.
Í ákæru er Ymur sagður hafa banað móður sinni með því að stinga hana að minnsta kosti 22 sinnum með hnífi í brjóstsvæði, handleggi og hendur. Hnífstungurnar gengu meðal annars inn í hægra lunga, sem leiddi til dauða hennar.
Karl Ingi Vilbergsson, sem sækir málið fyrir Héraðssaksóknara, sagði við DV í liðinni viku að ekki lægi fyrir hvað hann krefjist þungrar refsingar yfir Ymi.
Geðmat var framkvæmt á Ym í málinu og niðurstaða yfirmatsmanna var að hann hafi verið sakhæfur á verknaðarstundu en refsing yfir honum myndi ekki bera árangur. Tveir geðlæknar frmakvæmdu matið.
Samkvæmt lögum um meðferð sakamála skulu þinghöld háð í heyranda hljóði en dómari getur þó ákveðið, að eigin frumkvæði eða eftir kröfu ákæranda, sakbornings eða brotaþola, að þinghald fari fram fyrir luktum dyrum, telji hann það nauðsynlegt.
