Manchester City hefur náð samkomulagi við AC Milan um kaup félagsins á miðjumanninum, Tijjani Reijnders.
Kaupverðið verður 55 milljónir evra plús bónusar sem gætu komið til sögunnar. Það er Athletic sem segir frá þessu.
Reijnders er hollenskur landsliðsmaður en þessi 26 ára gamli leikmaður mun gera fimm ára samning við City. Hann er nú á leið í læknisskoðun.
Fabrizio Romano segir meira í gangi á skrifstofu City en félagið hefur samið við Rayan Cherki um kaup og kjör. Liverpool hefur einnig sýnt honum áhuga.
Cherki getur farið frá Lyon fyrir um 35 milljónir punda og er Pep Guardiola sagður ólmur vilja fá hann til félagsins.
Félögin hafa opnað samtalið en það fer nú á fullt þegar City hefur náð samkomulagi við Cherki sjálfan.
