Maður að nafni Einar spyr „hvaða endalausu gjöld eru þetta í Póstinum?“ Hann pantaði notaðar bækur að utan og fékk í kjölfarið reikning frá Póstinum og þurfti að greiða aðflutningsgjöld. Hann birti skjáskot af reikningnum í Facebook-hópnum Vertu á verði – Eftirlit með verðlagi.
„Hvaða endalausu gjöld eru þetta í póstinum, maður er að kaupa notað að utan, búinn að greiða sendingarkostnað og svo er smurt á hvern einasta pakka einhverjum síendurteknum gjöldum…
ATH. SVO ÞARF MAÐIR AÐ SÆKJA!“
Færslan hefur vakið talsverða athygli en margir taka undir með Einari.
„Löglegt rán að degi til,“ segir einn.
„Óþolandi rugl,“ segir annar.
„Algjört kjaftæði, hef oft pirrað mig á þessu.“
Nokkrir benda Einari á að þetta sé ekki við Póstinn að sakast.
„Eina sem pósturinn er að taka þarna er 840kr fyrir að sjá um tollskýrslugerð fyrir þig… Hitt er virðisauki og úrvinnslugjald á umbúðir sem ríkið tekur,“ segir einn.
„Úrvinnslugjald er gjald sem ríkið tekur. Það er bara pósturinn sem rukkar það inn í svona innflutningi,“ segir annar.
