Diljá Mist Einarsdóttir, þingkona Sjálfstæðisflokksins, segir að lítið hafi heyrst frá Flokki flokksins að undanförnu um útlendingamál. Bendir hún á að þessi málaflokkur hafi verið flokknum hugleikinn áður en hann settist í ríkisstjórn.

Diljá Mist skrifar grein um þetta í Morgunblaðið í dag og bendir á að efnahagsmálin hafi klárlega verið fyrirferðarmesta kosningamálið í síðustu kosningum. Útlendingamál, ekki síst málefni hælisleitenda, hafi þó einnig verið rækilega á dagskrá.

Ein af ástæðum þingrofs

„Ágrein­ing­ur um skil­virkni í mála­flokkn­um og landa­mæra­vörslu var þannig meðal þess sem Bjarni Bene­dikts­son þáver­andi for­sæt­is­ráðherra nefndi sem ástæður þess að hann lagði til þingrof og snemm­bún­ar kosn­ing­ar,“ segir hún í grein sinni.

Diljá nefnir að beinn kostnaður vegna út­lend­inga­mála hafi enda vaxið á ógn­ar­hraða und­an­far­in ár – upp í tugi millj­arða króna á ári. Þá segir hún að margir fram­bjóðenda til Alþing­is hafi svarað því að mark­miðið væri að taka hér vel á móti fólki, en við yrðum að setja því ein­hverj­ar skorður; tak­marka fjöld­ann.

„Full­trú­ar Flokks fólks­ins hafa verið áber­andi í umræðu um mál­efni hæl­is­leit­enda und­an­far­in ár. Flokk­ur­inn hef­ur lagt áherslu á að ís­lensk lög­gjöf sé færð til sam­ræm­is við það sem tíðkast ann­ars staðar á Norður­lönd­un­um. Ekki sé hægt að „rétt­læta“ vax­andi kostnað vegna mála­flokks­ins „gagn­vart skatt­greiðend­um“. Taf­ir á breyt­ing­um á út­lend­inga­lög­gjöf hafi „kostað al­menn­ing tugi millj­arða króna ár­lega“, svo vísað sé í orð for­manns­ins.“

Bíður eftir svörum

Diljá segir aftur á móti að lítið hafi heyrst frá Flokki fólksins um málaflokkinn frá því flokkurinn tók við stjórnartaumunum og bendir hún á að flokkurinn fari meðal annars með félagsmál og hluta af málefnum útlendinga og þar með stóran hluta kostnaðar vegna málaflokksins.

„Til þess að reyna að hreyfa við full­trú­um flokks­ins, sem virðist mest annt um að taka skóflu­stungu að borg­ar­línu og dýra­hald í fjöleign­ar­hús­um, hef ég lagt fram fyr­ir­spurn­ir á Alþingi. Fyr­ir­spurn­irn­ar snúa ann­ars veg­ar að því hvort og þá hvernig fé­lags­málaráðherra hyggst leggja sitt af mörk­um við að draga úr kostnaði við hælisleitendakerfið á Íslandi. Og hins veg­ar að end­ur­greiðslu rík­is­sjóðs á kostnaði sveit­ar­fé­laga við að aðstoða er­lenda rík­is­borg­ara,“ segir Diljá í grein sinni og bætir við að það verði fróðlegt að fá svör fulltrúa Flokks fólksins varðandi þessi mál sem höfðu verið flokknum svo hugleikin.

„Von­andi hef­ur það ekki breyst, þrátt fyr­ir að flokk­ur­inn hafi ekki fengið yfir 50% fylgi í kosn­ing­un­um,“ segir hún að lokum.