Alisha Lehmann hefur vakið athygli fyrir utan völlinn eftir að hún sýndi nýjan og afar glæsilegan bíl sinn, sem hefur verið kallaður „Batmobile“. Bíllinn er sagður vera um 130 þúsund punda virði og endurspeglar þann lúxuslífsstíl sem svissneska knattspyrnukonan er þekkt fyrir.

Lehmann er oft nefnd fegursta knattspyrnukona í heimi. Bílinn er sagður kosta 22 milljónir.

Lehmann, sem er 27 ára, skipti yfir til Leicester City frá Como í janúarglugganum og hóf þar nýjan kafla á ferlinum. Þrátt fyrir félagaskiptin virðist lítið hafa breyst utan vallar, en hún heldur áfram að lifa í miklum stíl í Englandi.

Svissneska fyrirtækið Swissfoil birti myndband á Instagram þar sem sérútbúinn Mercedes-Benz GLE Coupe AMG-bíll Lehmann sést. Fyrirtækið breytti bílnum úr skærhvítum lit í mattsvartan með sérstakri filmu. Í færslu sinni kallaði Swissfoil bílinn „Batmobile“ landsliðskonunnar.

Lehmann, sem er með um 15,8 milljónir fylgjenda á Instagram, hefur oft birt myndir af lúxusbílum, bæði eigin bílum. Hún hefur meðal annars sést með Lamborghini sportbíl, Lamborghini Urus-jeppa og Mercedes G-Wagon.

Á vellinum hefur hún þó enn ekki skorað fyrir Leicester síðan hún kom til félagsins í janúar, en hún skrifaði undir tveggja og hálfs árs samning við félagið. Leicester vonast án efa til að mörkin fari að koma fljótlega, jafnvel þótt athyglin utan vallar sé einnig mikil.