„Þetta er svona eins súrt og það verður í fótboltanum held ég,“ sagði Tómas Ingi Tómasson, þjálfari 2. flokks Fylkis eftir 1-2 tap liðsins gegn Víkingi Reykjavík í úrslitum Bikarsins í 2. flokki karla í dag.

Það var Benedikt Daríus Garðarsson sem kom Fylki yfir um miðjan fyrri hálfleikinn en þeir Georg Bjarnason og Þórir Rafn Þórisson tryggðu Víkingi sigur með mörkum undir lok leiksins.

„Þeir kláruðu okkur á síðustu mínútunum en fram að 89. mínútu héldum við góðu skipulagi en það skiptir víst ekki máli. Þeir skoruðu tvö góð mörk undir lokin og unnu og eru vel að þessu komnir. Þeir fóru erfiða leið í bikarnum og ég vil bara nota tækifærið og óska þeim til hamingju með þetta.“

„Þegar að það er lítið eftir fara menn oft að hugsa fram í tímann en það var klárt að það var eitthvað einbeitingarleysi komið í menn þarna undir restina.“

Viðtalið í heild sinni má sjá hér fyrir ofan og neðan.