Jóhann Berg Guðmundsson, leikmaður íslenska landsliðsins, var að vonum í skýjunum í kvöld eftir frábæran 1-0 sigur okkar manna gegn Króatíu.

,,Þetta var gríðarlega mikilvægur sigur sérstaklega því hin liðin unnu sína leiki og við hefðum getað endað í fjórða sæti,“ sagði Jói Berg.

,,Það var gríðarlega góð tilfinning að sjá boltann í netinu, tíu sekúndum áður hefði ég átt að skora en við unnum leikinn og það er það sem skiptir máli.“

,,Í fyrri hálfleik vorum við gjörsamlega með þá í pressunni og þeir reyndu að spila út og það gekk upp og ofan hjá þeim.“

Nánar er rætt við Jóa hér fyrir ofan og neðan.