,,Það hefur gengið vel að halda sér við,“ sagði Aron Einar Gunnarsson miðjumaður og fyrirliði íslenska landsliðsins við 433.is í dag.

Mánuður er síðan að Aron lauk leik með Cardiff í Championship deildinni á Englandi og kauði hefur verið hér heima að halda sér við.

Aron og strákarnir í landsliðinu mæta Króatíu í undankeppni HM á sunudag en íslenska liðið er í öðru sæti riðilsins með 10 stig, þremur stigum á eftir toppliði Króatíu.

,,Ég hef verið að æfa með Blikum, Þór og verið í ræktinni, ég er orðinn vanur þessu. Þetta er alltaf svona, þar síðasti sumarleikur á móti Tékkum þá er ég búin að fara yfir það hvernig ég var fyrir það og hef verið að gera það sama. Maður vill vera í toppstandi.“

,,Það reynir á hausinn að vera í þessu í mánuð, maður er hálfur kominn í sumarfrí. Það var meira fyrir þessa fyrstu sumarleiki, ég er orðinn vanur þessu. Þetta er ekkert mál, þetta er það sem maður lifir yfrir. Þessir sumarleikir eru geggjaðir.“

Viðtalið við Aron er í heild hér að ofan og neðan.