Eyjólfur Héðinsson, leikmaður Stjörnunnar, skoraði sigurmark liðsins í kvöld með frábæru skoti í 2-1 sigri á KA. Eyjólfur var að vonum kátur eftir leikinn og lýsti markinu fyrir blaðamenn.

,,Enn og aftur fast leikatriði held ég örugglega og við erum með góðan spyrnumann í Hilmari Árna sem setti hann á fjær á Hólmbert sem er góður skallamaður og svo var ég þarna ágætis skotmaður líka svo þetta var góð samvinna þriggja manna,“ sagði Eyjólfur.

,,Þetta var toppslagur og það gefur aukið gildi að vinna svona leiki í lokin. Við hættum aldrei að sækja, við trúðum allan tímann að við myndum ná sigurmarkinu.“

,,Við vorum að öskra á hvern annan síðustu 10 mínúturnar að við séum alltaf sterkir í lokin.“

,,Mér finnst bærinn vera að vakna og það er geggjuð stemning þegar maður mætir á æfingar og leiki.“

Nánar er rætt við Eyjólf hér fyrir ofan og neðan.