Boðað hefur verið til skiptafundar í þrotabúi Magnúsar Þorsteinssonar þann 20. mars næstkomandi þar sem skiptastjóri mun kynna kröfuhöfum frumvarp til úthlutunar úr þrotabúinu. Verði andmælum ekki hreyft gegn frumvarpinu telst skiptum lokið á grundvelli þess. Þá verða rétt tæplega átta ár síðan Magnús var úrskurðaður gjaldþrota í Héraðsdómi Norðurlands eystra. Hann hefur áður gagnrýnt harðlega hversu langan tíma skiptin hafa tekið og líkt þeim við skuldafangelsi en talið er að um Íslandsmet sé að ræða. Samþykktar kröfur í bú Magnúsar nema á þriðja tug milljarða króna.
