Marco Silva, knattspyrnustjóri Fulham, var afar ósáttur eftir 3-2 tap gegn Manchester United og lét dómara leiksins heyra það. Silva fékk gult spjald fyrir mótmæli eftir umdeilt atvik sem leiddi til fyrsta marks heimamanna.
Dómarinn John Brooks dæmdi upphaflega vítaspyrnu á Fulham fyrir brot á Matheus Cunha. Eftir VAR-skoðun var því breytt í aukaspyrnu þar sem brotið var metið utan teigs.
Úr aukaspyrnunni lagði Bruno Fernandes boltann fyrir markið og Casemiro skoraði með skalla.
Silva sagði eftir leik. „Þetta er eins og það er. Erfitt, en við verðum að sætta okkur við það.“
Hann bætti við. „Saga leiksins byrjaði á hræðilegri ákvörðun frá John Brooks með vítaspyrnunni sem hann dæmdi. Hræðileg ákvörðun, stór mistök.“
Portúgalinn sagði Fulham taka gremjuna með sér í næsta leik. „Við verðum að nýta þennan pirring til að vinna þann næsta.“
