Aðdáendur hafa kallað eftir því að knattspyrnumaður fái lífstíðarbann eftir hrottalegt atvik í hálfatvinnumannaleik í Ástralíu um helgina. Atvikið átti sér stað þegar NWS Spirit FC lagði Sutherland Sharks að velli, 1-0, í fyrstu umferð tímabilsins.
Á 70. mínútu varð leikmaður Sutherland, Jamie Percevski, fyrir alvarlegu broti þar sem boltinn var hvergi nærri. Leikmaður Spirit, sem bar treyju númer níu, steig af fullum þunga á Percevski, með þeim afleiðingum að fótur hans snerist þegar hann féll til jarðar.
Myndband af atvikinu fór í kjölfarið eins og eldur í sinu um samfélagsmiðla. „Þetta er ekki bara brot, þetta er líkamsárás,“ skrifaði einn stuðningsmaður og fleiri tóku undir.
Málið er til skoðunnar innan deildarinnar, en myndband af þessu má sjá hér að neðan. Viðkvæmir eru varaðir við.
A horror challenge on Sutherlands Jamie Percevski last night was ugly. Rash, Reckless and uncalled for, the NPL is tough, but that crossed the line. Players deserve better protection and @footballnsw need to make a stance with a long suspension for the player guilty#npl #nplnsw pic.twitter.com/4TpZwbblCD
— goran (@GoranSlav) February 8, 2026
