Frank Ilet, hinn víðfrægi Manchester United-aðdáandi sem hefur beðið með að klippa sig þar til liðið vinnur fimm leiki í röð, hefur opinberað áætlun sína fyrir viðureignina gegn West Ham United annað kvöld.

United heimsækir West Ham og gæti unnið sinn fimmta leik í röð, en bráðabirgðastjórinn Michael Carrick hefur farið stórkostlega af stað í starfi og unnið Manhcester City, Arsenal, Fulham og Tottenham.

Ilet hóf áskorunina í október 2024 en gæti farið í klippingu í fyrsta sinn í 493 daga með sigri United á morgun. Hann hefur staðfest að hann ætli að bjóða aðdáendum að fylgjast með sér horfa á leikinn í streymi.

„Þetta er í fyrsta skipti sem ég geri þetta síðan ég byrjaði. Þetta er að gerast núna,“ segir hann.

West Ham hefur þó verið að sýna batamerki og hefur aðeins tapað einum af síðustu fjórum leikjum sínum, svo ekki ekkert er í hendi um að Ilet fái langþráða klippingu strax.