Fylkir og FH mættust í A-deild Lengjubikars karla í kvöld þar sem heimamenn höfðu yfirhöndina í erfiðum aðstæðum.

Eftir kaldan og leiðinlegan fyrri hálfleik, þar sem veðrið setti svip sinn á leikinn, var staðan 1-0 fyrir Fylki.

Í leikhléi rættist nokkuð úr veðrinu og völlurinn var hreinsaður af snjó.

Þrátt fyrir það ákváðu FH-ingar að snúa ekki aftur inn á völlinn og neituðu að halda leiknum áfram. Í kjölfarið var leikurinn dæmdur Fylki í vil og fær liðið skráðan 3-0 sigur.

Kristján Óli Sigurðsson segir frá á X-inu

Með sigrinum er Fylkir með fullt hús stiga eftir þrjár umferðir og markatöluna 9-0. FH hefur hins vegar safnað fjórum stigum úr fyrstu fjórum leikjum sínum í keppninni.