Það þykir ljóst að Manchester United ætli sér að styrkja miðju sína vel í sumar og eru nokkur nöfn á blaði í þeim efnum ef marka má fréttir.
Ljóst er að Casemiro er á förum þegar samningur hans rennur út en fleiri breytingar gætu einnig orðið.
Sky í Þýskalandi segir Felix Nmecha vera á óskalista United fyrir sumarið, en hann er lykilmaður hjá stórliði Dortmund.
Talið er að hann kosti rúmar 50 milljónir punda en hann er ekki sá eini sem United hefur augastað á.
Elliot Anderson hjá Nottingham Forest er nefnilega áfram orðaður við United, óháð því hvort Nmecha komi eða ekki. Hann er talinn kosta um 90 milljónir punda.
Fari svo að United kaupi báða menn verður því alvöru fjármunum varið í miðjumenn á Old Trafford í sumar.
