Brasilíski knattspyrnumaðurinn Neymar hefur gefið í skyn að árið 2026 gæti orðið það síðasta á ferlinum.

Framherjinn, sem nýverið fagnaði 34 ára afmæli sínu, segir óvíst hvað framtíðin beri í skauti sér en viðurkennir að heimsmeistaramótið gæti orðið hans síðasta stóra svið.

Neymar sneri aftur til uppeldisfélags síns Santos árið 2024 og rennur samningur hans þar út árið 2026. Á undanförnum árum hefur hann glímt við tíð meiðsli, meðal annars í ökkla, hné og aftanverðu læri, sem hafa haft áhrif á spilatíma hans.

Í viðtali sagði hann. „Ég veit ekki hvað gerist næst. Það gæti verið að í desember ákveði ég að hætta. Ég tek eitt ár í einu.“

Hann lagði áherslu á að núverandi ár væri mikilvægt, bæði fyrir Santos, brasilíska landsliðið og hann sjálfan.

Allt bendir til þess að lokakafli ferils Neymar sé að hefjast.