Umboðsmaður Dominik Szoboszlai, Matyas Esterhazy, segir algjörlega ótímabært að ræða hugsanleg skipti leikmannsins frá Liverpool til Real Madrid nú.

Szoboszlai er að eiga frábært tímabil og í kjölfarið hefur Ungverjinn verið orðaður við spænska stórveldið.

„Við erum á miðju tímabili og Dominik á mikið verk fyrir höndum í ensku úrvalsdeildinni, FA-bikarnum og Meistaradeildinni. Hann hefur margoft sagt hversu mikilvæg sú keppni er fyrir hann,“ sagði Esterhazy.

Hann bætti við að ótímabært væri að ræða möguleg félagaskipti í sumar og minnti á að Liverpool væri eitt stærsta félag heims.